പത്താമുദയ തിരു :ഉത്സവം :ഏപ്രില്‍ 23:
നോട്ടീസ് പ്രകാശനം ചെയ്തു :
————————————————
ശ്രീ കല്ലേലി ഊരാളി അപ്പൂപ്പന് കാവ് (മൂല സ്ഥാനം )പത്താമുദയ തിരു :ഉത്സവം ,തൃപ്പാദ മണ്ഡപ -ഉപ ദേവാലയ സമുച്ചയങ്ങളുടെ സമര്‍പ്പണം ,പത്താമുദയ കല്ലേലി ആദിത്യ പൊങ്കാല,ജീവകാരുണ്യ പ്രവര്‍ത്തികളുടെ ഉത്ഘാടനം എന്നിവ വിളംബരം ചെയ്തു കൊണ്ടുള്ള നോട്ടീസ് തിരു സന്നിധിയില്‍ വെച്ചു പ്രകാശനം ചെയ്തു .കാവ് സംരക്ഷണ സമിതി പ്രസിഡണ്ട്‌ അഡ്വ :സി .വി ശാന്ത കുമാര്‍ ,സെക്രട്ടറി സലിം കുമാര്‍ ,രഥ ഘോക്ഷ യാത്ര ചെയര്‍മാന്‍ സാബു കുറുമ്പ കര എന്നിവര്‍ നോട്ടീസ് ഭക്തര്‍ക്ക്‌ നല്‍കിക്കൊണ്ട് പ്രകാശനം ചെയ്തു ഏപ്രില്‍ 23 രാവിലെ മല ഉണര്‍ത്തല്‍,മല പൂജ ,കാവ് ഉണര്‍ത്തല്‍ ,കാവ് തൃപ്പടി പൂജ ,കാവ് ആചാരങ്ങള്‍ ,മലയ്ക്ക് പടേനി ,എന്നിവയോടെ പത്താമുദയ കല്ലേലി ആദിത്യ പൊങ്കാല യുടെ ഭദ്രദീപം വന മുത്തശി പത്മ ശ്രീ ലക്ഷ്മി കുട്ടിയമ്മ തെളിയിക്കും ,തുടര്‍ന്ന് ആയിരക്കണക്കിന് ഭക്തര്‍ കല്ലേലി അപ്പൂപ്പന് പൊങ്കാല വഴിപാടായി സമര്‍പ്പിക്കും .തുടര്‍ന്ന് നവീകരിച്ച തൃപ്പാദ മണ്ഡപ -ഉപ ദേവാലയ സമുച്ചയങ്ങളുടെ സമര്‍പ്പണവും സാംസ്കാരിക സദസ്സും നടക്കും .തുടര്‍ന്ന് സമൂഹ സദ്യ ,കുംഭ പാട്ട് ,മന്നാന്‍ കൂത്ത്‌ ,ഊര് മുഴക്കം ,ഭാരത കളി ,പടേനി കളി ,തലയാട്ടം കളി ,പാട്ടും കളിയും നടക്കും ,എല്ലാ ഭക്തരെയും അപ്പൂപ്പന്‍റെ തിരു സന്നിധിയിലേക്ക് സ്വാഗതം ചെയ്യുന്നു .
